15 апрельдә Зирекле лицеенда районның туган тел укытучылары семинары узды
“Укытуның төрле алымнарын кулланып, укучыларда милли үзаң тәрбияләү” темасына үткәрелгән семинар хезмәттәшләр арасында тәҗрибә уртаклашу мәйданчыгына әверелде. Зирекле лицееның тәҗрибәле укытучылары үзләренең милли гореф-гадәтләрне һәм татар телен үстерүгә юнәлдерелгән методик табышлары, инновацион алымнары һәм технологияләре белән уртаклаштылар.
