Язгы ташу чорында Татарстанда 218 торак пунктта су басу куркынычы туарга мөмкин
Язгы ташу бик көчле булган очракта Татарстанда 13 меңнән артык кеше су басу зонасында калырга мөмкин. Бу хакта бүген Татарстанның Хөкүмәт йортында брифингта ТР Премьер-министрының беренче урынбасары Рөстәм Нигъмәтуллин әйтте.
Ул быелгы ташуның көчле булачагы фаразланганын әйтте. «Явым-төшем климатик күрсәткечләрне узып киткәнлектән ташу көчле булуының ихтималлыгы зур», – диде Рөстәм Нигъмәтуллин.
«Язгы ташу көчле булса, республиканың 39 муниципаль берәмлегендә 218 торак пунктка, 13 409 кеше яши торган 5700 торак йортка, 55 автомобиль юллары участокларына, 28 машина күперенә су басу куркынычы яный. Әгәр фаразлар чынга ашса, муниципаль районнарга югары дәрәҗәдәге әзерлек режимына күчәргә, ә су баса башласа, кичекмәстән гадәттән тыш хәл режимына күчәргә кирәк», – диде Рөстәм Нигъмәтуллин.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подписывайтесь на наш Telegram-канал "Шешминская новь"
Нет комментариев