Чаллы Башы авылында «Бәлешфест» бәйгесе булып үтте

Авылның уңган хуҗабикәләре үзләренең тәмле бәлешләрен тәкъдим иттеләр. Татар халкының милли ризыгы бәлешне ит белән бәрәңгедән генә түгел, башка төрле эчлек — алма, кабак, балан, кәбестә, дөге, карабодай, җиләк-җимеш белән дә пешереп була икән.

«Иң тәмле бәлеш» — Нәзирә Ибраһимованыкы

«Иң матур бизәлгән бәлеш» — Лилия Миннебаеваныкы;

«Иң оригиналь бәлеш» — Гөлшат Ибраһимованыкы иде.

Башка катнашучылар да катнашучы дипломнары һәм истәлекле бүләкләр белән бүләкләнделәр.

Бүләкләрне Шахмай авылы җирлеге башлыгы Наилә Минвафа кызы белән мәдәният йорты җитәкчесе Илсөяр Дәүләтшина тапшырды.

" Барлык катнашкан хатын-кызларыбызга бик зур рәхмәтебезне белдерәбез, сезнең җан җылысын кушып пешергән ризыкларыгыз якыннарыгызны гел шатландырып торсын", — ди оештыручылар.