Татарстанда агачка бәрелгән машинада 16-18 яшьлек җиде яшүсмер булган

Элегрәк хәбәр ителгәнчә, ТР Яшел Үзән районында Chevrolet агачка очып кергән. 6 кеше һәлак булган, тагын берсе авыр хәлдә хастаханәгә озатылган. Тикшерү үткәрелә, аның процессын прокуратура контрольгә алды.

ТР буенча Эчке эшләр министрлыгында ачыклык кертүләренчә, машинада 16-18 яшьлек җиде яшүсмер булган. Зыян күрүчене Яшел Үзән үзәк район хастаханәсенә китергәннәр.