Яңа Чишмә хәбәрләре
  • Рус Тат
  • Торак законнары үтәлми

    Район прокуратурасы район территориясендә торак фондыннан файдалануда законнарның үтәлешен тикшерде.

    Күпфатирлы торак йортлар белән "Кристалл" ИК" ҖЧҖ-нең идарә итүе билгеләнде. Җәмгыять шулай ук расланган кагыйдәләргә һәм нормаларга таянып, торак йортларны тоту һәм алардан файдалану буенча хезмәтләр дә күрсәтә. Боларның барысы да "Кристалл" ИК" ҖЧҖ белән район башкарма комитеты арасындагы килешүдә язылган.
    Әмма Яңа Чишмәдә күпфатирлы йортларны (Буреев урамындагы 5,9, 11, 13, 19; Заливная урамындагы 6, 8, 10, 12, 14, 16, 20, 22, 24; Ленин урамындагы 23, 25, 26, 28, 31, 33, 35,36,44,46 нчы йортлар) тикшереп чыкканнан соң,күрсәтелгән йортлардагы подъездларга керү юлында (баскыч мәйданчыкларында) подъезд саны, шушы подъездда урнашкан фатирлар саны күрсәтелгән табличкалар булмавы ачыкланды. Моннан кала, кешеләргә күренерлек, укырлык урында Яңа Чишмә җирле үзидарә органы, идарәче оешма, янгын сагы, полиция, ашыгыч ярдәм, газ хуҗалыгы хезмәте, санэпидхезмәт, торак хуҗалыгының авария хезмәтләренең телефон номерлары, адреслары турында мәгълүмат та юк.
    Тикшерү нәтиҗәләре буенча "Кристалл" ИК" ҖЧҖ директоры адресына ачыкланган җитешсезлекләрне (закон бозу) бетерү турында күрсәтмә чыгарылды. Ул карап тикшерелә.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: