ЮТҺдә кеше һәлак булган
16 октябрьдә иртәнге 3.30 сәгатьтә Яңа Чишмә районында юл-транспорт һәлакәте булган, анда Петропавел Бистәсендә яшәүче 41 яшьлек ир-атның гомере өзелгән.
Машина йөртү таныклыгы булмаган һәм исерек хәлдә булган гр. У. идарә иткән «Дэу-Матиз» автомобиле район үзәгеннән Петропавел Бистәсе ягына таба хәрәкәт итә.
Шофер куркынычсыз тизлекне сайламый һәм Бистәдән ерак түгел кюветка әйләнеп каплана. Юл-транспорт һәлакәте нәтиҗәсендә җиңел машина йөртүченең ир туганы, 41 яшьлек гр. У. һәлак була, аның куркынычсызлык каешы эләктермәгән була.
Юл-транспорт һәлакәтеннән соң машина йөртүче вакыйга урыныннан качып китә, әмма берничә сәгатьтән соң Петропавел Бистәсендә үз йортында тоткарлана.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев