2020 елда БДИ 29 июньнән башлана

РФ Мәгариф һәм фән министрлыгының Матбугат хезмәте хәбәр итүенчә, 29 июньдә 11 сыйныф укучылары өчен география, әдәбият һәм информатика беренче имтиханнар булачак. Рус теле өчен 2 һәм 3 июльдә ике көн бирелә,чөнки бу БДИ – мәҗбүри.
6 июльдә чыгарылыш сыйныф укучылары профильле математика, 9 июльдә – тарих һәм физика тапшыралар.
13 июльдә – җәмгыять белеме һәм химия, 16 июльдә-биология һәм чит телдән (язма), Һәм, ниһаять, 18 һәм 20 июльдә чит телдән телдән имтихан тапшырыла.
Быел БДИны югары уку йортларына укырга керергә теләүчеләр генә тапшыра, вузларга укырга керергә теләмәүчеләр ел нәтиҗәләре буенча аттестат алачак.