«Без авыл балалары»

Китапханәче балаларга “Кече Ватан” төшенчәсе нәрсә аңлатуын сөйләгән. Кеше үзе туып-үскән җирләр белән нык бәйләнештә. Кече ватан – бу өлкә, район, авыл, урам, йорт – безнең зур илебезнең бер кечкенә генә өлеше. Аннары барысы да бергәләп читтән торып авыл буйлап сәяхәт кылганнар. Аның тарихы, көнкүреше, мәдәнияте, кешеләре, урам исемнәре, җирле елгада нинди балыклар яшәгән һәм яши, нинди кошлар кышлый һәм җәен җылы яклардан нинди кошлар очып килә – шулар турында белгәннәр.