Районның сәләтле балалары көзге каникулны күңелле һәм файдалы итеп үткәрәчәкләр. ТР мәгариф һәм фән министрлыгы алар өчен Казан театрларында төрле тамашаларга бару өчен бушлай билетлар бүлеп биргән.
2 ноябрьдә 19 бала Казанның М.Җәлил исемендәге опера һәм балет театрына "Жизель" балетына барачак, 3 ноябрьдә 40 бала К. Тинчурин исемендәге театрда "Шүрәле он-лайн" спектаклен караячак.
Укучыларны - спортчыларны шашка һәм шахмат буенча республика ярышларына чакырганнар. Зирекле лицее укучылары 29-30 октябрьдә Баулыга шахмат турнирына барганнар, Шахмай урта мәктәбе укучылары 2-3 ноябрьдә шашка турнирына Мамадышка барачак.
Нет комментариев