«Мәктәпкә җыенырга ярдәм ит- 2019»

Акция аз тәэмин ителгән гаиләләрдән булган, тәрбиягә алынган һәм инвалид балаларга адреслы социаль ярдәм күрсәтүгә юнәлдерелгән.
Агымдагы елда безнең районда 1 сыйныфка 140 бала укырга керер дип көтелә, шулардан 20 гә якыны ярдәмгә мохтаҗ.
Бер үк вакытта акция кысаларында аз тәэмин ителгән һәм күп балалы гаиләләрдән 2-11 сыйныфта укучы 50 балага да хәйрия ярдәме күрсәтү күздә тотыла.
Беренче сыйныф укучылары өчен мәктәп портфеле комплекты составы гадәттәгечә кала: канцелярия товарлары, дәфтәрләр, хезмәт һәм рәсем дәресләре өчен җыелма; 2-11 сыйныфлар өчен: мәктәп яки спорт формасы комплектлары.
Район җитәкчелеге тарафыннан эре оешмалар һәм нефть компанияләре – хәйриячеләр адресына хатлар җибәрелгән.
6 августка “Мәктәпкә җыенырга ярдәм ит” акциясе кысаларында Яңа Чишмәдәге мәдәният һәм ял паркында зур чара үткәрү планлаштырылган.
Яңачишмәлеләрне битараф булмаска һәм әлеге акциягә кушылырга чакырабыз!