Яңа Чишмәдәге «Ландыш» балалар бакчасында тәрбиячеләрнең зона семинары булып узган

«Мәктәпкәчә яшьтәге балаларда юл йөрү кагыйдәләрен ныгыту эшен оештырганда яңа мәгълүмати-методик технологияләрне куллану» дигән семинар - мөһим һәм актуаль чара. Анда республиканың 8 районыннан 29 мәктәпкәчә белем бирү педагогы катнашкан, алар үз тәҗрибәләрен «zoom» платформасында тәкъдир иткәннәр.

Тәрбиячеләргә балаларны юлда куркынычсызлык кагыйдәләренә өйрәтүнең яңа технологияләрен күрсәткәннәр. Инновацион проектлар, юл травматизмын профилактикалау эшен оештыруда шәхси тәҗрибәдән алынган яңа алымнар семинарда катнашучылар өчен кызыклы булган.

Анда балалар бакчалары мөдирләре һәм тәрбиячеләре, Дәүләт автоинспекциясе, «Юл хәрәкәте иминлеге» ДБУ һәм Тормыш эшчәнлеге иминлегенең фәнни үзәк вәкилләре катнашкан.

Педагоглар автошәһәрчекләрдә балалар белән дәресләр оештыру тәҗрибәсе белән уртаклашканнар, юл йөрү кагыйдәләре буенча үзләре уйлап тапкан дидактик уеннарны тәкъдим иткәннәр, интерактив укыту модульләренең мөмкинлекләрен күрсәткәннәр. Аерым игътибар ата-аналар белән эшләүгә һәм уку процессында онлайн-платформалар куллануга бирелгән.