Яңа Чишмә хәбәрләре
  • Рус Тат
  • Хәтер һәм кайгы көнендә Яңа Чишмәдә митинг булып үтте

    22 июньдә Яңа Чишмәдә һәлак булган якташларыбыз истәлегенә куелган һәйкәл янында Бөек Ватан сугышы башлануның 81 еллыгына багышланган митинг булды.

    22 июнь - Ватаныбыз тарихында иң кайгылы көн - Бөек Ватан сугышы башланган көн, ул 27 миллионнан артык кешенең гомерен өзгән.

    Хәтер һәм кайгы көнендә сугышта һәлак булган якташларыбыз истәлегенә куелган һәйкәл янында яңачишмәлеләр яу кырында ятып калган якташларны искә алу өчен җыелды.

    Митингны район башлыгы Вячеслав Козлов ачып җибәрде. Ул билгеләп үткәнчә, бу кайгылы көнне без сугыш кырларында һәлак булган, тылда Җиңүне якынайткан кешеләрне искә алабыз. Һәм безгә бу истәлекне киләчәк буыннарга батырлык дәресе буларак тапшырырга кирәк. «Бүген безнең Кораллы Көчләр Украина территориясендә неонацист формированиеләр белән махсус хәрби операция үткәрә һәм мин ышанам, без җиңәчәкбез», - дип ассызыклады ул.

    Митингта шулай ук район ветераннар Советы рәисе Александр Скоков чыгыш ясады, ул безнең һәлак булган якташларыбыз турында истәлекне мәңге сакларга чакырды.

    РМЙ мөдире Анастасия Якушкина йөрәкләргә үтеп керерлек итеп «Тишина» җырын башкарды.

    Бер минутлык тынлыктан соң барлык җыелучылар һәлак булган якташларыбыз һәйкәленә чәчәкләр салдылар.

    Ә кичә, 21 июнь кичендә, шунда ук «Хәтер шәме» акциясе узган иде.

    Подписывайтесь на наш Telegram-канал "Шешминская новь"

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: