Яңа Чишмә районында чәчү темплары арта

20 апрельгә 10 мең гектар көзге культуралар тукландырылган, бу барлык мәйданның 66%ын тәшкил итә.

13 мең гектар күпьеллык үләннең 5 мең гектары (38%ы) тукландырылган.

Туңга сөрелгән җирләрдә дым каплату оешкан төстә бара – 21 мең гектар (барлык мәйданның 50%ы) тырмаланган.

«Аксу-Агро» һәм «Агро-Раздолье» ҖЧҖләре арпа чәчүгә керешкәннәр – 1000 гектардан артык чәчелгән инде.

Район штабы утырышында район башлыгы Вячеслав Козлов эшләрнең сыйфатына, юл кырыйларын һәм кюветларны, багана тирәләрен эшкәртүгә игътибар итү, шулай ук кыр юлларын тигезләү кирәклеге турында әйткән.

Перспективалы, югары репродукцияле һәм агулаган орлыкларны минераль ашламалар кертеп чәчү турында билгеләп үтелгән.