Яңа Чишмәнең өч мәктәбендә биш сыйныф карантинга ябылган
Яңа Чишмә районында балалар арасында салкын тию авырулары белән авыручылар санының җитди артуы күзәтелә.
-Соңгы атнада ОРВИның 52 очрагы теркәлгән, шуның 23е – 14 яшькәчә балалар, - дип билгеләп үтте атна саен үткәрелгән планеркада Роспотребнадзорның баш белгече Гөлфирә Мостафина.
ОРВИ авырулары санының югары (40тан 60% ка кадәр) булуы сәбәпле, Яңа Чишмәдә өч мәктәптә биш сыйныф бер атналык карантинга ябылды (сыйныфларны авырулар саны 20% тан артык булганда карантинга ябарга киңәш ителә). Бу -башлангыч мәктәптә 2 «в» һәм 4 «в» сыйныфлары, урта мәктәптә 7 сыйныф, 8 «б» һәм гимназиядә 9 «б» сыйныфлары.
Бер атна вакыт узгач, ситуациягә анализ ясалачак һәм авырулар буенча хәлләр торышы яхшырса дәресләр яңадан дәвам итәчәк.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев