Екатерина Бистәсендә яшәүче ир-атка штраф салынган һәм ул ел ярымга автотранспорт белән идарә итү хокукыннан мәхрүм ителгән.
2022 елның 24 февралендә 16.55 сәгатьтә Бистәдә яшәүче 34 яшьлек ир-ат Екатерина Бистәсенең Үзәк урамында «Опель Астра» автомобиле белән исерек хәлдә идарә иткән.
Тикшерү аның исерек булуын күрсәткән.
Яңа Чишмә суд районы буенча 1 нче суд участогы җәмәгать судьясы карары белән ул РФ КоАПның 12.8 ст. 1 өлешендә каралган административ хокук бозуда гаепле дип табылган, аңа 1 ел да 6 айга транспорт чаралары белән идарә итү хокукыннан мәхрүм итеп, 30 мең сум күләмендә административ штраф рәвешендә җәза билгеләнгән.
Карар 2022 елның 25 мартында үз көченә кергән.
Нет комментариев