Узган атнада ЭЭМБнең кизү тору часте тарафыннан 32 хәбәр теркәлгән, 2 җинаять эше кузгатылган.
Автомобильгә зыян салган
15 гыйнварда төнлә Волчья Бистәсендә яшәүче 58 яшьлек гр. А. исерек килеш Үзәк урамындагы бер йорт янында гр. В.ның «Лада-Гранта» а/м пыяласын ватып, салонга кергән һәм автомобильне кабызырга маташкан, тик барып чыкмаган.
21 гыйнварда 15.30 сәгатьтә Казан-Оренбург автоюлының 164 нче чакрымында Чистай шәһәрендә яшәүче исерек хәлдәге гр. А. «Рено-Дастер» а/м белән исерек килеш идарә иткән, ул моның өчен машина йөртү хокукыннан мәхрүм ителгән булган инде. Җинаять эше кузгатылган.
ЮТҺ
Атна эчендә ЮХИДИ хезмәткәрләре механик зыян белән 5 ЮТҺ теркәгән, кешеләрнең сәламәтлегенә зыян килмәгән.
Нет комментариев