Алдынгы комбайнчыларга премияләр тапшырылды

Бу атна башында район авыл хуҗалыгы идарәсе уңыш җыюда комбайнчылар һәм шоферлар арасында хезмәт ярышының беренче атнасына йомгак ясады.

Комбайнчыларның беренче төркемендә «АгроРаздолье» ҖЧҖдән Александр КОЧЕТКОВ һәм аның ярдәмчесе Михаил СТЕПАНОВ җиңүче булдылар, алар RSM «Torum - 785» комбайнында 9 көндә 975 тонна ашлык суктырганнар (көнлек уртача җитештерү  108 тонна тәшкил итә).

Комбайннарның икенче төркемендә «Козлов В.А.» КФХдан Андрей КОЗЛОВ җиңүче дип танылды, ул «Нью-Холланд» комбайнында 4 көн эчендә 180 тонна ашлык суктырган (көненә уртача 45әр тонна).

«Архангельское» КФХ» ҖЧҖдән Тимофей МИТРОФАНОВ комбайннарның өченче төркемендә җиңүче булган. Ул «Нива -Нова» комбайнында 3 көндә  210 тонна бөртек суктырган (көненә уртача 70әр тонна).

Шоферлар арасында иң яхшы күрсәткечләр «АгроРаздолье» ҖЧҖдән Вадим БОЙКОВта. Ул урып-җыю башланганнан бирле КамАЗ а/м белән комбайннардан ындыр табагына 748 тонна ашлык ташыган.

Район башлыгы Вячеслав Козлов һәм район авыл хуҗалыгы идарәсе начальнигы Леонид Богомолов атна алдынгыларына кызыл әләмнәр һәм акчалата премияләрне кырда - эш урыннарында тапшырдылар.

Исегезгә төшерәбез, комбайнчылар - 5әр мең сум, аларның ярдәмчеләре - 2шәр мең сум, ә машина йөртүчеләр - 3әр мең сум премия белән бүләкләнә.