Алдынгы комбайнчыларга премияләр тапшырылган

Бу атна башында район авыл хуҗалыгы идарәсе комбайнчыларның һәм шоферларның урып-җыюда хезмәт ярышының икенче атнасына йомгак ясаган (беренче атна йомгаклары безнең сайтта басылып чыккан иде).

Комбайннарның беренче төркемендә «АгроРаздолье» ҖЧҖдән Алексей КОЗЛОВ һәм аның ярдәмчесе Евгений ЗАХАРОВ җиңүче булганнар, алар «ТОРУМ-785» комбайнында 16 көндә 191 тонна бөртек суктырганнар.

Комбайннарның икенче төркемендә «Козлов В.А.» КФХдан Андрей КОЗЛОВ атна җиңүчесе булган, ул «Нью - Холланд» комбайнында атна эчендә 1213 тонна икмәк суктырган, ә барлык чорда - 2234 тонна.

Комбайннарның өченче төркемендә «Агро-Основа» ҖЧҖдән Гаил ХӘЛИУЛЛИН җиңүче дип танылган. Ул «Акрос» комбайнында 7 көндә 394 тонна бөртек суктырган.

Ә комбайннарның дүртенче төркемендә «Архангельское «КФХ» ҖЧҖдән комбайнчы Тимофей МИТРОФАНОВ һәм аның ярдәмчесе Влад УРЯДНИКОВ атна лидерлары булган, алар атна эчендә 485 тонна, ә урып-җыю эшләре башланганнан бирле 732 тонна бөртек суктырганнар.

Шоферлар арасында иң яхшы күрсәткечләр «Козлова М.И.» КФХдан Николай НЕСТЕРОВта, ул урып-җыю башланганнан бирле КамАЗ а/м -да комбайннардан ындыр табагына 1140 тонна икмәк ташыган.

Ирешкән күрсәткечләре өчен район башлыгы Вячеслав Козлов һәм районның авыл хуҗалыгы идарәсе начальнигы Леонид Богомолов атна алдынгыларына акчалата премияләр һәм кызыл әләмнәр тапшырганнар.

Исегезгә төшерәбез, комбайнчылар - 5әр мең, аларның ярдәмчеләре - 2шәр мең, ә шоферлар - 3әр мең сум акчалата премияләр белән бүләкләнә.