Чәчү алдынгыларына премияләр тапшырылды

Көзге культураларны һәм күпьеллык үләннәрне тукландыруда иң яхшы механизатор булып «АгроРаздолье» ҖЧҖдән Сергей ТОПТЫГИН атна алдынгысы дип танылган, ул ТУМАН-1 агрегаты белән 563 гектар чәчүлекләрне тукландырган.

Культивацияләүдә «АгроРаздолье» ҖЧҖдән Гаяр СӘЙФЕТДИНОВ («Джон Дир» тракторында атна эчендә 960 гектар сөрүлек җирен эшкәрткән, ә эш башланганнан бирле — 1632 гектар) һәм «Скоков Н. А.» КФХдан Николай ЯНОВ ( К-742 тракторында атна эчендә 373 гектар җирне культивацияләгән) атна лидерлары булып танылган.

Сабан культураларын чәчүдә иң яхшы күрсәткечләр «Шешма-Агро» ҖЧҖдән Илгиз ГАТАУЛЛИНда (2010 га) һәм «Архангельское» КФХ" ҖЧҖдән Андрей МЕЛЬНИКОВта (304 га).

Район башлыгы Вячеслав Козлов һәм район авыл хуҗалыгы идарәсе начальнигы Леонид Богомолов кырда механизаторлар белән очраштылар, алдынгыларга кызыл әләмнәр һәм акчалата премияләр тапшырдылар.

Исегезгә төшерәбез, тукландыруда һәм культивацияләүдә премия күләме — 3000 сум, чәчүдә — 5000 сум тәшкил итә.