Чәчү алдынгыларына премияләр тапшырылды

Район авыл хуҗалыгы һәм азык-төлек идарәсе язгы кыр эшләрендә механизаторларның хезмәт күрсәткечләренә йомгаклар ясады.

Егор Тарнавский һәм Леонид Богомолов кырда механизаторлар белән очраштылар һәм атна алдынгыларына акчалата премияләр һәм кызыл флаглар тапшырдылар.

Атна йомгаклары буенча көзге культураларны һәм күпьеллык үләннәрне тукландыруда иң яхшы механизаторлар булып «Архангельское «КФХ» ҖЧҖеннән Валентин КОНДЕЕВ һәм «АгроРаздолье» ҖЧҖеннән Сергей СУСЛОВ танылды, алар бер атна эчендә 800 һәм 530 гектар чәчүлекләрне тукландырдылар.

Туңга сөрүдә «АгроРаздолье» ҖЧҖеннән Андрей ГОРБАТОВ лидер булып танылды, ул «Джон Дир» тракторы белән бер атна эчендә 520 гектар сөрү җире (чәчү башланганнан бирле – 1263 га) эшкәрткән.

Бөртекле сабан культуралары чәчүдә иң яхшы күрсәткечләр «АгроРаздолье» ҖЧҖеннән Сергей КУПРИЯНОВта (ул бер атнада 373 гектар чәчкән) һәм «Скоков Н.А.» КФХыннан Виктор ЕРОХИНда (ул бу көннәрдә 120 гектар бөртекле культуралар чәчкән).

Исегезгә төшерәбез, алдынгы механизаторларга тукландыруда һәм культивацияләүдә – 3000әр сум, ә чәчүдә 5000 сум премия бирелә.