Чәчү эшләре алдынгыларына премияләр тапшырылды

Район башлыгы Вячеслав Козлов һәм район авыл хуҗалыгы идарәсе начальнигы Леонид Богомолов кырда язгы кыр эшләре лидерлары белән очраштылар һәм аларга кызыл әләмнәр һәм акчалата премияләр тапшырдылар.

Атна йомгаклары буенча көзге культураларны һәм күпьеллык үләннәрне тукландыруда «Козлова М.И.» КФХдан Виктор УШАКОВ (ул чәчү агрегаты белән 1436 гектарда тукландырган), «АгроРаздолье» ҖЧҖдән Евгений БУРОВ («Туман» агрегаты белән 1165 гектар чәчүлекләрне тукландырган) иң яхшы механизаторлар дип танылды.

Көзге культураларны һәм күпьеллык үләннәрне тырмалауда «Козлова М.И.» КФХдан Михаил БАРСУКОВ («Ксерион» тракторында атна эчендә 2135 гектарда) һәм «Архангельское» КФХ» ҖЧҖдән Анатолий ЗИНОВЬЕВ (МТЗ-82 тракторында атна эчендә 706 гектар) лидерлар булды.

Туңга сөрелгән җирләрне культивацияләүдә «АгроРаздолье» ҖЧҖдән Николай КРАЙНОВ атна лидеры булып тора, ул «Джондир» тракторында атна эчендә 2205 гектар җирне культивацияләгән.

Язгы культуралар чәчүдә - «АгроРаздолье» ҖЧҖдән Федор ЕНДЕРЮКОВ (1160 га), «АгроРаздолье» ҖЧҖдән Александр ФЕОКТИСТОВ (761 га) һәм «Архангельское» КФХ» ҖЧҖдән Тимофей МИТРОФАНОВларның күрсәткечләре яхшы.

Тукландыруда, тырмалауда һәм культивацияләүдә механизаторларга 2000шәр сум, чәчүдә – 3000шәр сум премия бирелде.

Хезмәт ярышы дәвам итә.