Чәчү эшләрендә лидерларны билгеләп үттеләр
Бөртекле сабан һәм техник культураларны чәчү тәмамланган диярлек. 200 гектарга якын карабодай һәм 500 гектардан артыграк силоска кукуруз чәчәсе генә калган.
Тимофей Митрофановка премия тапшырыла. Ирина Лобачева фотосы.
Район авыл хуҗалыгы идарәсе язгы кыр эшләрендә механизаторлар арасында хезмәт ярышының соңгы атнасына йомгак ясады.
Район башлыгы Вячеслав Козлов һәм район авыл хуҗалыгы идарәсе начальнигы Леонид Богомолов басуда чәчү лидерлары белән очраштылар, аларга кызыл әләмнәр һәм акчалата премияләр тапшырдылар.
«Архангельское» КФХ» ҖЧҖдән Михаил МЕЛЬНИКОВ иң яхшы механизатор дип танылды, ул К-521 тракторында атна эчендә 600 гектар җирне культивацияләгән.
Сабан культуралары чәчүдә иң яхшы күрсәткечләр «Закрома» ҖЧҖдән Сергей НАСЕЙКИНда, ул «Бюллер» тракторында атна эчендә 444 гектар чәчкән, ә чәчү башланганнан бирле 1682 гектар. Икенче лидер булып инде өченче атна рәттән «Архангельское» КФХ» ҖЧҖдән Тимофей МИТРОФАНОВ танылды. Ул иске МТЗ-80 тракторында атна эчендә 200 гектар, ә чәчү башланганнан бирле 1240 гектар чәчкән. Бөтен чәчүлек чорында аның тракторы бер тапкыр да ватылмаган, шуңа күрсәткечләре дә югары.
Бу көннәрдә район авыл хуҗалыгы идарәсе белгечләре «Язгы чәчү батыры-2023»не билгеләү өчен язгы кыр эшләренә йомгак ясыйлар. Традиция буенча, район Сабантуенда аңа тагылмалы мотоблок тапшырылачак.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев