Черемуховолыларның хезмәт активлыгы арта

Черемухово авыл җирлеге башкарма комитеты авыл халкының хезмәт активлыгын стимуллаштыру буенча шактый эш алып бара.

Авылда АҖ территориясендә теркәлгән 646 кешенең 562се яши, бу - Яңа Чишмә районы халкының 5,1 проценты.

2023 ел башына торак пунктта 254 шәхси йорт исәпләнә. Шәхси секторда 78 йортта 406 баш сыер асрала, шул исәптән 36 йортта 153 баш сыер бар. Соңгы ике елда сыерлар саны 22 башка арткан. 67 йортта 270 баш дуңгыз, 14 ШЯХда сарыклар һәм кәҗәләр (80 баш) тоталар. 146 йортта 2400 баш кош-корт бар.

Кызганычка каршы, 176 йортта мөгезле эре терлек юк, ә 49 йортта бөтенләй бер нәрсә дә асрамыйлар. Алар, нигездә, пенсионерлар һәм ялгыз яшәүче кешеләр.

Иң күп сыерлар (21 баш) С. Н. Малолетков хуҗалыгында, А.П. Ханжинда - 10 баш, Савельев С.Н., Беспалов В. И., Софонов П. А. һәм В. А. Прытковта - 9шар баш, Н. Н. Савельевта - 8, Г. М. Овчинников һәм М. П. Коноваловта - 7шәр баш сыер бар.

Терлекләрне кышлату өчен халык 870 тоннадан артык печән, 30 тоннага якын салам әзерләгән, 180 тонна ашлык сатып алган. Азык әзерләү әле дә дәвам итә.

Шәхси хуҗалыклардан сөтне Л. Газизова җыя. Агымдагы елда барлык каналлар буенча 3325 центнер продукция сатылган (бер сыерга исәпләгәндә – 2173 кг). Иң яхшы сөт тапшыручылар: С. Н. Малолетков (40 тонна), Савельев С.Н. (28 тонна), Коновалов М. П. (23 тонна). 2023 елда сөт өчен уртача бәя 23,1 сум/кг тәшкил итә.

Бу гаилә бюджеты өчен менә дигән керем. 

Җирлек территориясендә хуҗалык итүче субъектның уңышлы эшчәнлеге халыкның мәшгульлегенә, җирле бюджетка салым җыюга һәм халыкның керемнәрен формалаштыруга уңай йогынты ясый. Безнең торак пунктта «Закрома» ҖЧҖ эшли, аның белән 4560 гектар мәйданда пай җирләренә килешү төзелгән. Арендатор вакытында ашлык белән дә, акчалата да халык белән исәп-хисап ясый. Халык 160 тоннадан артык чиста арпа алды инде.

Торак пунктта яшәүчеләргә республика хөкүмәтеннән дәүләт ярдәме рәвешендә бүленгән субсидияләр дә ярдәм итә. Безнең халык субсидияләр рәвешендә 570 мең сумнан артык акча алды.
Җирлек территориясендә шулай ук ике КФХ бар. Бу Т.Н. Муратова һәм С. А. Талаев. Соңгысы балык үрчетү белән шөгыльләнә. Аның инде 1 кг һәм аннан да югарырак  үлчәмдәге балыклары (карп, сазан) өлгереп килә. С.Н. Талаев ел саен буага кечкенә балыклар - маймычлар җибәрә.

Сөт һәм ит терлекчелеге кебек традицион эшчәнлекләрдән тыш, яшелчәчелек белән шөгыльләнергә теләүчеләр дә бар. С.М. Труновның ШЯХсында 12х14 метрлы теплица өчен каркас төзелгән, поликарбонат сатып алынган һәм кыш көне ул җитештерүне башларга ниятли.

Традицион рәвештә авылда берничә йорт умартачылык белән шөгыльләнә, ә В.А. Ребров агачтан төрле әйберләр ясый.

Авыл җирлеге башкарма комитетының төп бурычы - халыкның хезмәт активлыгын стимуллаштыру, керемнәрне һәм иминлекне арттыру өчен аларга ярдәм итү. Безнең халыкның алга таба үсеш алу өчен зур потенциалы бар әле.

Елена Сальцина, Черемухово авыл җирлеге башлыгы