Якташыбыз, СВОда катнашучы Александр Хорьков «Татарстан Республикасы алдындагы казанышлары өчен» ордены белән бүләкләнгән

Чара Казанның «Корстон» сәүдә-күңел ачу комплексында узган.  Залда җыелган 900дән артык съезд делегатлары алдында якташыбыз Александр Хорьков та чыгыш ясаган, ул СВОга үз теләге белән киткән, моңа кадәр Екатерина авыл җирлеге башлыгы булып эшләгән. 

Республика Рәисе «Без элек җирлек башлыклары булып эшләгән һәм бүгенгесе көндә махсус операция зонасындагы хәрби хәрәкәтләрдә катнашып, илнең Кораллы Көчләре сафына баскан коллегаларыбыз белән аеруча горурланабыз, СВОда катнашучы барлык муниципаль хезмәткәрләргә батырлыклары өчен һәм СВО зонасында ире янәшәсендә волонтер булып хезмәт куючы Марина Ивановна Хорьковага да олы рәхмәтебезне җиткерәбез», - дигән. 

Котлыйбыз! Горурланабыз!  Җиңү белән исән-сау өйгә кайтуыгызны көтәбез!