Яңа Чишмә районы игенчеләре язгы кыр эшләренә керештеләр (фото, видео)

6 апрельгә 13,4 мең гектар көзге культураларның 10,1 мең гектары (76%) тукландырылган. «АгроРаздолье» ҖЧҖ игенчеләре көзге культураларны тукландыруны тәмамлаган.

«Скоков Н.А.» КФХда күпьеллык үләннәрне тукландыруга керешкәннәр. Күпьеллык үләннәрнең 300 гектары инде тукландырылган, ә районда алар 10 мең гектардан артык.

«Нурхамәтов З.М.» КФХда уҗымнарны тырмалауга керешкәннәр. Күпчелек хуҗалыкларда туфракка дым каплату башланган. 5 апрельдә җир сөрүдә 26 агрегат эшләгән. Эш 62 мең гектар мәйданның 4,5 мең гектарында башкарылган (7%).

«АгроРаздолье», «Аксу-Агро» ҖЧҖләре, «Садыйков М.Х.», «Козлов В. А»., «Вәлиуллин И. Ф»., «Козлов А. Е» КФХлары язгы чәчү өчен җитәрлек күләмдә минераль ашламалар белән тәэмин ителгән.

 «Агро-Основа» ҖЧҖдә - 1 гектарга 30 кг тәэсир итүче матдә (минимум 55-60 кг кирәк), «Игенче» ҖЧҖдә - 8 кг т.и.м., «Козлова М.И.» КФХда - 5 кг, «Скоков Н. А.» КФХда - 24 кг,» «Фәсахова К. М. » КФХда - 27 кг.

Ә башка авыл хуҗалыгы оешмаларында ашламалар  бөтенләй юк дип әйтергә дә була. Алар ничек яхшы уңыш алырга исәп тоталардыр?

Билгеле булганча, ашлама кертү 1 гектардан 10 центнерга якын өстәмә уңыш алырга мөмкинлек бирә.