Яңа Чишмәнең иң яхшы игенчеләренә премияләр тапшырганнар

Комбайннарның беренче төркемендә «АгроРаздолье» ҖЧҖдән Александр КОЧЕТОВ тагын алдынгы булган. Ул ярдәмчесе Сергей БАДЯЕВ белән RSM «Torum-785» комбайнында атна эчендә 454 тонна ашлык суктырган (урып – җыю башланганнан бирле - 2208 тонна).

Комбайннарның икенче төркемендә шул ук «АгроРаздолье» ҖЧҖдән Александр ПЕНЬКОВ һәм аның ярдәмчесе Виталий СОФРОНОВ атна алдынгылары булган. Алар «Тукано-580» комбайнында атна эчендә 438 тонна икмәк суктырганнар (урып-җыю башланганнан бирле - 2466 тонна).

Комбайннарның өченче төркемендә «Козлов В.А.» КФХдан Андрей КОЗЛОВның күрсәткечләре иң яхшысы, ул «Нью-Холланд» комбайнында атна эчендә 313 тонна ашлык суктырган (урып-җыю башланганнан бирле - 1206 тонна).

Комбайннарның дүртенче төркемендә «Суворов Д.А.» КФХдан Михаил КОЗЫРЕВ алдынгы булган, ул «Нива» СК-5 комбайнында 5 көндә 196 тонна икмәк суктырган.

Машина йөртүчеләр арасында «АгроРаздолье» ҖЧҖдән Вадим БОЙКОВ иң яхшысы булып танылган, ул SHACMAN а/м да атна эчендә комбайннардан ындыр табагына 1018 тонна ашлык ташыган (урып-җыю башланганнан бирле - 4222 тонна).

Район башлыгы Вячеслав Козлов һәм районның авыл хуҗалыгы идарәсе начальнигы Леонид Богомолов кырда игенчеләр белән очрашып, аларны ирешкән уңышлары белән котлап, акчалата премияләр, кызыл әләмнәр тапшырганнар.

Исегезгә төшерәбез, комбайнчылар 5әр мең сум, аларның ярдәмчеләре - 2шәр мең сум, ә машина йөртүчеләр 3әр мең сум премия ала.

Вячеслав Козлов һәм Леонид Богомолов атна лидеры Андрей Козлов белән. И. Лобачева фотосы.