Кышкы каникуллар - юлларда иң борчулы чор

2022 елның 21 декабреннән 2023 елның 8 гыйнварына кадәр ТР Эчке эшләр министрлыгы һәм «Юл хәрәкәте иминлеге» ДБУ «Кышкы каникуллар» дигән профилактик чаралар үткәрүне игълан иткәннәр.

«Бу көннәрдә өлкәннәр белән дә, балалар белән дә, профилактик чаралар уздырылачак: әңгәмәләр, лекцияләр, конкурслар, яктылыкны чагылдыручы элементлар йөртүгә мониторинг һәм башкалар үткәреләчәк, - ди Россия ЭЭМнең Яңа Чишмә районы буенча ЮХИДИ начальнигы полиция майоры Евгений Михайлов һәм бу чараларның максатын аңлата: “Бу чаралар  каникулларның юллардагы иң борчулы чор икәнлеген тагын бер кат искә төшерү өчен кирәк. Балаларның ял итүе куркынычсыз булсын өчен, олылар барысын да эшләргә тиешләр."