Республика фестиваленең төп призы Нурлатка китте (Видео-фоторепортаж)

20 августта Чуаш Чабаксарында «Выля, хут купас!» («Уйнагыз, гармуннар!») бәйрәме булып үтте. Фестивальдә халык коллективлары, гармунчылар, халык уен кораллары оркестрлары, катнаш ансамбльләр, такмакчылар, гармунга кушылып җырлаучылар һәм биючеләр катнашты.
Фестиваль кунакларын кабул итүчеләр - Чабаксар халкы - кунакларны авылның бәйрәмчә бизәлеше белән каршы алды, бу көнне барысына да үз ризыкларын тәкъдим итүче милли ишегаллары оештырылды, аттракционнар эшләде, декоратив - гамәли сәнгать әйберләре ясау буенча мастер-класслар үткәрелде, шулай ук үз эшләренең осталары ясаган товарлар сату өчен лавкалар ачылды, чәй өстәле әзерләнгән иде. 

Бәйрәм чарасы иҗат коллективларының авылның төп урамы буенча фестивальне үткәрү урынына - мәдәният йорты мәйданына баруыннан башланды. 

Фестивальдә катнашучыларны һәм кунакларны район башкарма комитеты җитәкчесе урынбасары Александр Еронтьев, район мәдәният бүлеге начальнигы Галина Носовалар сәламләде. Чарада катнашучылар аларның изге теләкләрен көчле алкышлар белән каршыладылар.
Жюри составында Яңа Чишмә районы башкарма комитеты җитәкчесе урынбасары Александр Еронтьев, ТРның атказанган мәдәният хезмәткәрләре Надежда Зыкова (Яңа Чишмә), Эдуард Ильин (Аксубай), халыкара конкурслар лауреаты Рәшит Минабетдинов (Чистай) бар иде.

Һәм менә фестиваль башланды. Шунысын да билгеләп үтәргә кирәк, фестивальгә Татарстан Республикасының 9 районыннан һәм Чуаш Республикасының Мариинск - Посадский районыннан иҗат коллективлары һәм солистлары килгән иде. Барлыгы 120гә якын катнашучы, аларның 38е -гармунчылар, баянчылар, кашыкларда уйнаучылар, перкуссионистлар һ.б. 

Алар музыка әсәрләрен башкардылар, ансамбльләргә, дуэтларга һәм солистларга кушылып үзләренең чыгышларын тәкъдим иттеләр. 

Чуаш халык җырлары, такмаклар, бию көйләре, уеннар - болар барысы да җыр-моң белән үрелеп барды.

Аксубайдан килгән баянчылар - балалар халык ансамбле солистлары Ильяс Исмәгыйлов һәм Никита Семенов башкарган «егетләр биюе», Чуаш Чабаксарының «Салкус» балалар фольклор коллективы чыгышы гына да ни тора! «Звени, частушечка» номинациясендә алар 1 урынны үзара бүлештеләр.
Биектау, Түбән Кама, Чистай, Нурлат, Бөгелмә, Яңа Чишмә районнарыннан килгән халык ансамбльләре һәм коллективлары бер-берсен сәхнәдә көчлерәк һәм тагын да көчлерәк итеп алыштырып тордылар. «Гармунчылар ансамбльләре» конкурсында жюри беренче урынны Чуашстаннан килгән кунакларга - «Шанкарав» фольклор коллективына бирде.
Солистлар Алик Илюхин (Түбән Кама), Николай Липатов (Алабуга), Валерий Максимов (Нурлат), Петр Носков (Яңа Чишмә), Василий Абрамов (Нурлат), Анастасия Якушкина (Яңа Чишмә), Владимир Охотников һәм Сергей Моляков дуэты (Яңа Чишмә) фестивальгә үз чыгышларының яңа программаларын алып килгәннәр. Үзләре  исә конкурсларда катнашучыларның һәм җиңүчеләрнең дипломнарын, истәлекле бүләкләр һәм яхшы кәеф белән киттеләр.
Ә Чирмешән районыннан Александр Ефимов үзе белән тамашачылар симпатиясе призын да алды, ул аңа иң шәп җырлаучы һәм иң яхшы биюче гармунчы буларак ия булды. Аның белән бергә Маргарита һәм аның кызы Мария Рыбкиннар да катнашты.

Гран-прига хаклы рәвештә Василий Абрамов (Нурлат) лаек булды. Төп приз -шуя гармунын аңа Яңа Чишмәдә узган VII Республика фестиваленең Гран-при иясе Эдуард Ильин тапшырды.

Һәм, әлбәттә, бүләк итеп - Василий Абрамов чыгышы булды.
Фестивальнең йомгаклау өлешендә сәхнәдә «Илем» ансамбле, В. Охотников һәм С. Моляков дуэты (Чуаш Чабаксары), Анастасия Якушкиналар тамашачыларга һәм фестивальдә катнашучыларга көч биреп тордылар һәм тамашачыларны ял иттерделәр…

«Менә ичмасам, булдыра бит бу Настя!», - диделәр фестиваль кунаклары - Яңа Чишмәдән фестивальгә гаиләләре, балалары һәм оныклары белән килгән Ивановлар һәм Бушеневлар.

 Чуаш республикасыннан килгән һәм чуаш телендә популяр җырларны башкаручы Виталий Адюковның чыгышы бәйрәмне дәвам итүнең бер мизгеле булды.