Шахмай музее хезмәткәрләре «Россия Флагы» дигән мастер-класс үткәргәннәр

Россия флагы герб һәм гимн белән беррәттән рәсми дәүләт символы булып тора.

Шул уңайдан «Мирхәйдәр Фәйзи исемендәге Шахмай авылы тарихы музее» филиалы җитәкчесе Гөлүсә Баһаветдинова «Ромашка» балалар бакчасында тәрбияләнүчеләр белән «Россия Флагы» дип аталган мастер-класс үткәргән.  Бу хакта редакциягә ул үзе хәбәр итә. Балалар Россия Дәүләт флагының символик әһәмияте турында белгәннәр, мастер-класста зур кызыксыну белән катнашканнар. Нәтиҗәдә балалар төсле кәгазьләрдән Россия флагы рәвешендәге матур эшләнмә ясаганнар.