Урак өсте алдынгыларын хөрмәтләделәр

Район авыл хуҗалыгы идарәсе комбайнчылар һәм шоферлар арасында урып-җыюда хезмәт ярышының икенче атнасына йомгак ясады.

Комбайнчыларның беренче төркемендә «АгроРаздолье» ҖЧҖдән Альберт АБРАРОВ һәм аның ярдәмчесе Фаил АБРАРОВ җиңүче булдылар, алар RSM «Тоrum — 580» комбайнында 16 көндә 1610 тонна ашлык суктырганнар (атна эчендә — 857 тонна).

Комбайннарның икенче төркемендә «Козлов В. А.» КФХдан Андрей КОЗЛОВ атна җиңүчесе итеп танылды, ул «Нью-Холланд» комбайнында 11 көндә 880 тонна ашлык суктырган (атна эчендә — 700 тонна).

«Архангельское «КФХ» ҖЧҖдән Александр ЕМУРАНОВ комбайннарның өченче төркемендә җиңүче. Ул «ПАЛЕССЕ» комбайнында 10 көндә 390 тонна ашлык суктырган (атна эчендә — 240 тонна).
Комбайннарның дүртенче төркемендә атна лидеры итеп «Суворов Д. А.» КФХдан Михаил КОЗЫРЕВ танылды, ул СК-5 «Нива» комбайнында урып-җыю башланганнан бирле 210 тонна бөртек суктырган.

Машина йөртүчеләр арасында «АгроРаздолье» ҖЧҖдән Владислав ТАИРКИНның күрсәткечләре иң яхшысы, ул урып-җыю башланганнан бирле МАЗ а/м белән комбайннардан ындыр табагына 1343 тонна ашлык ташыган (атна эчендә — 754 тонна).

Югары күрсәткечләргә ирешкәннәре өчен район башлыгы Вячеслав Козлов һәм район авыл хуҗалыгы идарәсе начальнигы Леонид Богомолов атна алдынгыларына кызыл әләмнәр һәм акчалата премияләр тапшырды.

Исегезгә төшерәбез, комбайнчылар — 5әр мең сум, аларның ярдәмчеләре — 2шәр мең сум, ә машина йөртүчеләр — 3әр мең сум премия ала.