Урак өсте алдынгыларына премияләр тапшырылды

Комбайннарның беренче төркемендә «АгроРаздолье» ҖЧҖдән Денис БУРОВ үзенең ярдәмчесе Данил УСТИМОВ белән җиңүче булганнар. Алар RSM «Torum-785» комбайнында урып — җыю башланганнан бирле 1700 тонна икмәк суктырганнар (атна эчендә — 528 тонна).

Комбайннарның икенче төркемендә инде «Козлов В. А.» КФХдан Андрей КОЗЛОВка өченче атна рәттән тиңнәр юк. Ул «Нью-Холланд» комбайнында урып — җыю башланганнан бирле 1510 тонна бөртек суктырган (атна эчендә — 630 тонна).

«Игенче» ҖЧҖдән Алексей СИДОРОВ комбайннарның өченче төркемендә җиңүче. Ул Дон-1500 комбайнында урып-җыю башланганнан бирле 692 тонна ашлык суктырган (атна эчендә — 505 тонна).
Комбайннарның дүртенче төркемендә «Суворов Д. А.» КФХдан Михаил КОЗЫРЕВ кабат җиңүче дип танылган, ул урып-җыю башланганнан бирле СК-5 «Нива» комбайнында 410 тонна ашлык суктырган (атна эчендә — 200 тонна). 

Шоферлар арасында иң яхшы күрсәткечләр «Козлова М. И.» КФХдан Сергей ДОБРЫНИНда, ул урып-җыю башланганнан бирле комбайннардан КамАЗ а/м белән ындыр табагына 1225 тонна бөртек ташыган (атна эчендә — 700 тонна).

Югары күрсәткечләргә ирешкән өчен район башлыгы Вячеслав Козлов һәм район авыл хуҗалыгы идарәсе начальнигы Леонид Богомолов кырда — эш урынында атна алдынгыларына кызыл әләмнәр һәм акчалата премияләр тапшырды.

Исегезгә төшерәбез, комбайнчылар — 5әр мең сум, аларның ярдәмчеләре — 2шәр мең сум, ә машина йөртүчеләр — 3әр мең сум премия белән бүләкләнә.

Ирина Лобачева фотолары.