Халык тарафыннан сөт сату арткан

Шәхси хуҗалыкларда терлекләр булу, сөт сату, агымдагы елда алынган субсидияләр турында район башлыгы урынбасары Надежда Попкова сөйләде.

- 2024 елның 1 ноябренә район халкының шәхси хуҗалыкларында 4797 баш мөгезле эре терлек асрала, бу ел башы белән чагыштырганда 47 башка күбрәк, - дип билгеләп үтте ул.  - Кызганычка каршы, сыерлар саны 71 башка кимеде, хәзер алар 1749 баш калган. Шулай ук хуҗалыкларда 977 баш дуңгыз (ел башы белән чагыштырганда 77 башка күбрәк) һәм 3476 баш сарык һәм кәҗә (116 башка азрак) бар.

Зирекле (24 башка), Чабаксар (21 башка), Екатерина (11 башка), Петропавел (9 башка) һәм Архангел (6 башка) авыл җирлекләрендә сыерлар саны кимегән. Шахмай (13 башка) һәм Акбүре (2 башка) авыл җирлекләрендә сыерлар саны арткан.

2024 елның гыйнвар-октябрь айларында халык тарафыннан сөт сату 6072 тонна тәшкил итте, бу 2023 елның шул ук чоры белән чагыштырганда 195 тоннага күбрәк. Сөт сатуның артуы продукциягә сатып алу бәяләренең сизелерлек артуы һәм сыерларның продуктивлырак булуы белән аңлатыла. Агымдагы елның 10 аенда сөт өчен уртача исәп-хисап бәясе 28,8 сум/кг тәшкил итте, бу 2023 ел белән чагыштырганда 6,30 сумга күбрәк. Ә октябрь өчен исәп - хисап бәясе тагын да югарырак һәм 31,9 сум/кг тәшкил иткән (халык белән исәп-хисап - 30,5 сум/кг).
КМС заводына халыктан 31% сөт килә, 25% тан артыгы «Туган як» кооперативы өлешенә туры килә.

Авыл җирлекләрендә бер сыердан күпме сөт сатуны карасак, Петропавел (4781 кг), Шахмай (4680 кг) һәм Акъяр (3830 кг) авыл җирлекләрендә сөтне барысыннан да күбрәк саталар, ә Акбүре (1683 кг), Зирекле (2092 кг) һәм Тубылгытау (2097 кг) АҖләрдә - азрак.

Надежда Попкова шулай ук агымдагы елда кече хуҗалыкларга дәүләт ярдәме чаралары турында да сөйләде. 2024 елның 10 аенда халык тарафыннан 9 млн 674 мең сум субсидия алынган. Шул исәптән 6,1 млн сумга якын сыерлар һәм кәҗәләр асрау чыгымнарын каплауга, 600 мең сум -сөтчелек юнәлешендә мини-фермалар төзүгә, 1 млн 440 мең сум - товар һәм нәселле башмак таналар һәм берне бозаулаган таналар, 615 мең сум -  кош-кортлар сатып алуга, 575 мең сум – 3 яшьтән өлкәнрәк бияләр асрау өчен азык сатып алуга, 275 мең сум - ярминкә сәүдәсе өчен субсидияләр. Моннан тыш, район бюджетыннан саву аппаратлары сатып алуга 95,7 мең сум акча бүлеп бирелгән.

Әңгәмә азагында Надежда Попкова, быел халык тарафыннан җитәрлек күләмдә печән, бөртек фуражы әзерләнде (ихтыяҗдан 113%) һәм шәхси хуҗалыкларда терлекләрнең баш санын саклап калу һәм арттыру өчен бөтен шартлар да бар, дип билгеләп үтте.