Николай «Бойко» — СВО артиллеристы: батырлык һәм ныклык тарихы

«Саушка», — дип атый артиллерист «Бойко» үзенең дустын — үзйөрешле артиллерия установкасын, ул артиллерия расчеты дошманның техникасын һәм тере көчен юк итә, Донбассны нацистлардан азат итә.

Николайның хәрби һөнәре — артиллерист, аны ул әле 2011-2012 елларда ракета-артиллерия гаскәрләрендә узган армия хезмәтендә алган. СВОда бер ел хезмәт итү дәверендә Александр Суворовның 300 ел элек «укуда авыр булса, сугышта җиңел булыр» дигән сүзләренә Николайга сүздә түгел, эштә инанырга туры килә.

Бүген СВО сугышчысы «Бойко» кече сержант званиесендә артиллерия орудиесын коручы булып эшли. Артиллерия орудиесында эшләү туры мәгънәсендә җиңел түгел. Ләкин Николай җиңел юллар эзләсә, үз эшен, туган ягын Петропавел Бистәсендә җылы гаилә учагын калдырмас та иде. Ул берничә сәбәп аркасында үз теләге белән хәрби хәрәкәтләргә кушыла: һәм аларның берсе — Россия мәнфәгатьләрен яклап, СВО зонасында хәрби бурычын үтәп, үз-үзен экстремаль шартларда сынап карарга, шуның белән армиядә алган белемнәрен расларга теләү була.

Дошманның пилотсыз очкычлары һаваны даими каплап тора. «Бойко» исәбендә алар шома көпшәле мылтыктан бәреп төшерелгән җиде данә. Ләкин бервакыт, артиллерия дошман позицияләрен «үтүкләгәндә», күктән аларга дроннар атака ясый. Расчеттагы сигез кешенең өчесе яралана. «Бойко» исән калган егетләр белән бергә иптәшләрен куркыныч урыннан алып чыгалар һәм аларны куаклар арасында яшерәләр, берәүләр яралыларга ашыгыч ярдәм күрсәткән арада, икенчеләре (шул исәптән «Бойко» да) ачык участокка кайтып, орудиене яшерәләр. "Саушка"ны коткарып калалар, буксирны көтеп алып, аны алып чыгалар. Яралыларны госпитальгә озаталар. Бу батырлыклары өчен өч егет, шул исәптән якташыбыз Николайны да иң мактаулы бүләкләрнең берсе — Суворов медале белән бүләклиләр.

Икенче тапкыр безнең "Бойко"га да, "Саушка«га да бәхет елмаймый: алар, атышканнан соң, базага кайтып снарядларны бушата башлаган вакытта «җавап» очып килә. Ул вакытта җиде егет авыр җәрәхәтләр ала. Николай 5 көннән инде сафка баса: анда озаклап ахылдап торырга вакыт юк — яралар бераз төзәлүгә сугышка керергә кирәк. Калган егетләр дә терелүгә хезмәткә кайталар. «Дошман йокламый», — дип шәрехли сугышчы, — һәм безгә тынычланырга ярамый.

Николайның әти-әнисе улының хезмәт сөючәнлегенә, үз-үзен тота белүенә һәм сабырлыгына бер дә шикләнми. Ул гаиләдә һәм хәрби-патриотик әзерлек һәрвакыт югары дәрәҗәдә булган мәктәптә шулай тәрбияләнгән. Якташлары — Советлар Союзы Герое Ф. П. Савельев үрнәгендә тәрбияләнәләр.

Кыска вакытлы ял

көннәрендә Николай үзенең туганнары янында булып килде. Бәхеткә каршы, алар аз түгел: сигезәү — әти-әниләренең 5 уллары һәм 3 кызлары бар. Мәдәният йорты хезмәткәрләре чакыруы буенча мәктәп укучылары белән очрашуга бара. Бу очрашу ике якка да кирәк була: балалар яклаучыларның каһарманлыгына инандылар, ә сугышчы СВОга мораль һәм матди ярдәм күрсәткәннәре өчен укытучыларга, балаларга һәм барлык авылдашларына рәхмәт белдерде.