Сугышчының рухы нык һәм күтәренке

Анда ул 44 яшендә икетуган энесе Вячеслав белән бергә китә.

Яралану

Татарстанның «Батыр» батальонына языла. Озатылганчы төзелеш шабашкаларында плитә ясаучы булып эшли. Әти-әнисе һәм гаиләсе башта Дмитрийның ниятенә катгый каршы булалар. Ләкин нишлисең, үзе карар кылгач, күз яшьләре белән озаталар.

Ике ай «уку»дан соң Дмитрий Покровск юнәлешенең алдынгы сызыгына эләгә. Икенче көнне үк каты яралана.

- «Кассетник» аркасында күп кенә безнекеләр ятып калды. Ярты елны госпитальдә үткәрдем. Бот авыр җәрәхәтләнгән иде. Табиблар штатив куйдылар, сафка кайттым.

«Закреп»

 Госпитальдән чыккач, Дмитрийны «закреп»ка куялар. Напарник белән билгеләнгән ноктага 18 февральдә урнашалар. «Ныгытма» оборонасына сугышчыларны безнең штурмовиклар дошман территориясен тартып алганнан соң куялар. Ноктаны гадәттә урман полосасында күзгә ташланмый торган аулак урыннарда ясыйлар.

Биредә Димедрол позывнойлы Дмитрий (мәктәптә исеменә туры китереп шулай атап йөрткәннәр) командир заданиесен үти – тәүлек буе дошманны күзәтеп тора. Бу катлаулы һәм куркыныч эш, ләкин ул һава-десант гаскәрләрендә хезмәт иткән, анда нәкъ менә шундый бурычларны үтәргә өйрәтәләр.

Автомат белән «кочаклашып»

«Закреп»тагы торакны үзләре төзекләндергәннәр. Чокыр казыганнар, аның өсте агач люк, ботаклар белән капланган. Украина дроннарына каршы тору очрагына Калашников пулеметы һәм автоматы белән коралланган. Сугыш кирәк-яраклары, ризыкны безнең «пилотсыз очкычлар» китерә.

Дмитрийның хәрби белгечлеге – пулемет наводчигы һәм автоматчы. Ул АКдан атып дошманның пилотсыз очкычын бәреп төшерергә мөмкин, дип саный.

 - Гел автомат белән кочаклашып йөрдем, - ди Дмитрий. - Дроннар анда даими бөтерелә. Чебен кебек.

Беренче «закреп»та өч атна була. Хәлне командирга даими җиткереп тора. Элемтә рация аша гына, өйгә нинди дә булса шалтыратулар турында сүз дә булырга мөмкин түгел. Командир вакыт-вакыт сугышчының туганнарына аның исән булуын һәм заданиедә булуын хәбәр итә. Ләкин Дмитрийның кулдашы тиздән һәлак була. Ул егетләр янына икенче «ноктага» китә, ә анда барысын да «Валькирия» юк итә.

Сугышчы дошманны үткәрми

Икенче «закреп»ка башка кулдашы белән 26 апрельдә керә. Яңадан казынып, күзәтү ноктасын төзекләндерәләр һәм яшерәләр. Бер айдан соң напарнигы дроннан ыргытылган снаряд кыйпылчыгыннан һәлак була.

Дмитрий ноктаны берүзе сакларга кала. Күз алдыгызга китерегез, берүзе һәм горизонтка кадәр кырлар гына. «Закреп»тан 24 сентябрьдә генә чыга. Бу ярты ел даими киеренкелек һәм җаваплылыкта уза. Ләкин заданиене үти һәм дошман тарафыннан ачыкланмый.

Дмитрий Оборона министрлыгы яхшы тәэмин итә, «гуманитарка»ны районнан алып киләләр, дип сөйләде. Туганнан туган абыйсы Вячеслав шулай ук Покровск юнәлешендә хезмәт итә, ләкин анда күрешергә мөмкинлек юк. Октябрьдә икесе дә ялда булганда гына өйдә очрашканнар. Тик Вячеслав үз частена ике атна алданрак китә.  Дмитрий әйтүенчә, «Батыр» батальоны Татарстанныкы булса да, анда башка төбәкләрдән дә егетләр хезмәт итә.

«Алга таба сугышырга әзер»

Дмитрий бу ялда бер айга якын була, авыр яралану сәбәпле Казанда тикшерү уза. Бот сөягеннән штифт тотып йөри. Дмитрий частька кайткач, башка бурыч үтәргә күчерәчәкләр.

Сугышчының әлегә бер медале бар, әмма аның исеме күп нәрсә турында сөйли – «Батырлык өчен». Медальне яра алган бәрелеш өчен биргәннәр.

- Ләкин бүләк – иң мөһиме түгел, - дип ышана аз сүзле Дмитрий.

Әлбәттә, уллары, ире һәм әтиләре белән әти-әнисе, хатыны, олы улы, беренче курс студенты булган кызы һәм дүртенче сыйныф укучысы булган кече улы горурланалар.

30 октябрьдә Дмитрий частька китәргә тиеш. СВОга баруына үкенмәвен белдерде. «Гомумән кәеф ничек» дигән сорауга:

- Кәеф яхшы. Алга таба сугышырга әзер. Арыганлык бар, ләкин рух нык һәм күтәренке. Ахыргача булачакбыз, - дип җавап бирде.