Яңа Чишмә районының өч авыл җирлегендә дуңгызларда африка чумасы (ДАЧ) аркасында карантин кертелгән

«Татарстан МВЛ» ФДБУ тикшерү үзәгенең лаборатория нәтиҗәләре буенча пробада ДАЧ авыруын китереп чыгаручы инфекция барлыгы ачыкланган.

Хәзергесе вакытта ветеринария хезмәте хезмәткәрләре дуңгызларның баш санына инвентаризация үткәрәләр, һәр йортны йөреп чыгалар һәм кешеләргә дуңгызларны сату өчен кулланмау кирәклеге турында хәбәр итәләр.

Авыру килеп чыгу куркыныч янаган тирәләрдә (10 чакрым радиустагы зонада) дуңгызларны юк итәләр, ягъни түбәндәге торак пунктларда:

Яңа Чишмә

Петропавел Бистәсе

Бакташ

Ерыклы

Андреевка, Аверьяновка поселогы.

Әгәр дүшәмбегә кадәр йорт хайваннары бетерелмәсә, аны ветеринария, Россельхознадзор вәкилләре һәм полиция хезмәткәрләреннән торган махсус төркем юк итәчәк (алачак).

Дуңгызлардагы бу авыруны дәвалап булмый, аннан вакцина юк.

Без сезне әлеге проблемага җитди каравыгызны сорыйбыз, кызганычка каршы, бу авырудан башкача котылу чарасы юк.

Без сезне соңгы вакыйгалар белән таныштырып торырбыз, безнең яңалыкларны күзәтегез.