Фактлар һәм комментарийлар
Район данын якладылар
"Ак калфак" ансамбле Бөтенрәсәй татар фольклоры фестивалендә чыгыш ясаячак.
Бу чакыру "Иске Казан түгәрәк уены" Республика татар фольклоры фестиваленнән бүләк булды, анда Тубылгы Тау АМЙ-ның "Ак калфак" халык ансамбле 3 урынны яулады.
Биектау районының Шәпше авылында узган татар фольклоры фестивалендә 52 халык коллективы, шулай ук Татарстан Республикасының 21 районыннан солистлар катнашты. Барлыгы 400 ләп кеше җыелды. Бу бәйрәмдә һәркем халык традицияләренә кагылу мөмкинлегенә ия булды. Шатлык, бәхет, дуслык, дәрт, уен, көлке - "Түгәрәк уен" халык түгәрәгендә боларның һәммәсе булды.
Менә инде сигез ел фестиваль Татарстан һәм Идел буендагы традицион мәдәният һәм милли үзенчәлелекне бәяләүчеләрне җыя. Шушы вакыт эчендә ул Татарстанның мәдәни тормышында мөһим чара булды. Шуның аркасында фольклор традицияләр саклана һәм үсеш ала, яшь буын ерак гасырлардан килгән мәдәни кыйммәтләргә тартыла.
- "Ак калфак" халык ансамбле һәм мөнәҗәтләр башкаручы М.З. Лотфуллина безнең район данын якладылар. "Сепарат аерту йоласы" композициясе өчен жюри ансамбльгә 3 урын бирде, ә М.З. Лотфуллина 2 дәрәҗә лауреат булды. Фестивальдә катнашучыларның барысы да фестиваль символикасы куелган дипломнар һәм бүләкләр алдылар. Безнең катнашучыларны Бөтенрәсәй "Түгәрәк уен" татар фольклор фестиваленә чакыру иң күңелле бүләк булды, ул быел 5 августта Казан Кремле территориясендә үтәчәк, дип хәбәр итте безгә ансамбльнең сәнгать җитәкчесе Айгөл Вафина.
Җиңүчеләребезне ихластан котлыйбыз һәм аларга алда да иҗади уңышлар гына насыйп булсын дигән теләктә калабыз.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев