Чертуш авылы мәдәният йортында Әниләр көненә багышланган чара узган

Концерт Йошкар - Ола шәһәрендә армиядә хезмәт итүче Риназ Абдуллинның дулкынландыргыч видеокотлавын күрсәтүдән башланган.

Сәхнәдә яшь талантлар - Ситдыйков Салават, Зарипов Рузил чыгыш ясаганнар. «Бисеринки» бию төркеме матур биюләрен тәкъдим иткән. Концертта катнашучылар җыр-биюләрдән тыш, театральләштерелгән күренешләр дә күрсәткәннәр һәм болар барысы да яраткан әниләргә багышланган. Әниләр исә үз балаларының чыгышларын алкышларга күмгәннәр.

Тамашачыларны «Хатирә» фольклор коллективы, Миңсылу Мостафина һәм Сания Хәлиуллиналар җырлар башкарып сөендергән.