Шахмай музеенда «Сәламәт тәндә - сәламәт акыл!» дигән уен - КВН булып үткән

«Сәламәтлек - иң зур байлык. Иртәме-соңмы моның шулай икәненә һәркайсыбыз төшенә. Сәламәт кеше чын күңелдән эшли дә, ял да итә белә. 1948 нче елдан башлап, 7 нче апрельдә Бөтендөнья сәламәтлек көнен билгеләп үтәләр», -дип хәбәр итә редакциягә музей мөдире Гөлүсә Баһаутдинова.

Чара башында укучылар белән тормышта иң кәдерле нәрсә - сәламәтлек турында әңгәмә узган. Сөйләшүдән соң кызыклы ярыш башланып киткән. Уенның һәр биреме сәламәтлек сүзен үз эченә алган. Мәсәлән, «Мәкальне дәвам ит» дигән 1 нче биремдә укучылар сәламәтлек турында мәкальләрне тәмамлаганнар, 2 нче биремдә файдалы витаминнар турында табышмаклар чишкәннәр. Ә  аннары сәламәтлеккә кагылышлы тест эшләгәннәр, ишарәләр һәм мимика буенча спорт төрләрен таныганнар.