Диспансерлаштыру дәвам итә

- Диспансерлаштыруны барлыгы 2235 кеше үтәргә тиеш. 1 августка медицина тикшеренүен 1115 кеше үткән (50 %), - дип хәбәр итте безгә РҮХ баш табибы Рафис Вафин.
Медицина тикшеренүе барышында 150 дән артык кешедә башлангыч авырулар булуы ачыкланган. Алар арасында йөрәк-кан тамырлары системасы авырулары – 49 кеше, эндокрин система (шикәр авыруы – диабет) – 78 кеше, онкология, күз авырулары – 2 шәр кеше һәм башка авырулар 1-2 шәр кеше.
Авыруларның барысы да алга таба тикшеренү һәм дәвалану өчен республика хастаханәләренә җибәрелгән.