1 июньнән Яңа Чишмә районында мәктәп яны лагерьлары ачыла

Мәктәп яны лагереның сменасы 21 көн тәшкил итә, ата-аналар кертеме – 817,3 сум. Хезмәт һәм ял лагере 18 көн эшләячәк.

Лагерьның төп максаты – җәйге чорда ял итү, сәламәтлекне ныгыту, физик үсеш һәм социализацияләү өчен шартлар тудыру.

Мәктәп лагерьларында барлык куркынычсызлык төрләре буенча – янгын сүндерү, юлларда, суда, террорга каршы, экстремизмга каршы тору, коррупциягә каршы, экологик һәм патриотик тәрбия буенча чаралар узачак. Балалар өчен төрле танып белү, иҗади, күңел ачу, спорт программалары әзерләнгән.

27 майдан 27 июньгә кадәр «Наркотикларсыз тормыш» айлыгы узачак. Мәктәп яны лагерьларына барлык категориядәге балалар – СВОда катнашучыларның балалары (31 бала), мөмкинлекләре чикле һәм авыр тормыш хәлендә калган балалар йөриячәк.