12 февральдә Әдәмсә авылыннан тыл хезмәтчәне Гөлсимә Миңнехан кызы Сабитованы 100 яшьлек юбилее белән котлаганнар

Хәзер Гөлсимә Миңнехан кызы Асия белән Яр Чаллыда яши. Гөлсимә әби юбилеен туган ягында - Әдәмсә авылында билгеләп үтәргә җыена, ләкин әлегә бераз хәлсезләнеп тора. Шуңа күрә район башлыгы урынбасары, район хатын-кызлар Советы рәисе Надежда Попкова һәм Әдәмсә авыл җирлеге башлыгы Альмира Нәҗметдинова үзләре аның янына - Яр Чаллыга барганнар. Кунаклар хезмәт һәм тыл ветеранын 100 яшьлек юбилее белән котлаганнар, аңа ныклы сәламәтлек, оптимизм һәм күңел тынычлыгы теләгәннәр.