Авылларда Сабан туена бүләк җыялар
Сабантуй – безнең көннәргә кадәр килеп җиткән һәм бүген дә яшәвен дәвам итә торган, барлык халыкның яраткан, көтеп алган бәйрәме.
Бәйрәмгә әзерлек алдан башлана. Ә бүләкләр, гадәттә, Сабантуйга санаулы көннәр калгач җыела. Гадәттә, йорт хуҗасы бүләк җыючыларны капка алдында бүләге белән көтеп ала, җырлап, биеп, бик матур итеп бүләкне кабул итеп алалар.
Чертуш авылында да мәдәният хезмәткәрләре балалар белән бергә, авылның бер очыннан икенче очына йөреп, бүләк җыйды.
«Бүген авылыбызда, борынгыдан килгән сөлге җыю йоласын үткәрдек. Халык көтеп тора бит, бүләген әзерләп тора. Йорт саен кереп, Сабантуйга чакырып, җырлап-биеп сәламләдек!»- дип хәбәр итте Чертуш авылы мәдәният йорты директоры Рәмзия Мусина.
Котлы булсын Сабантуйлар!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подписывайтесь на наш Telegram-канал "Шешминская новь"
Нет комментариев