20 августта Яңа Чишмәдә балалар өчен искиткеч бәйрәм булып үтте.
Ул "Ата- аналарны саклагыз" дип аталган акция кысаларында үтте.
Көн эссе булуга да карамастан, әлеге бәйрәмгә килүчеләр бер дә үкенмәделәр: бәйрәмне алып баручы беркемгә дә моңсуланып утырырга ирек бирмәде, һәр минутны ул күңелле конкурслар, хәрәкәтле уеннар белән үткәрергә тырышты, уйларга һәм бирелгән темага тиз арада җавап бирергә өндәде. Бәйрәм программасына яңа кызыклы күңел ачулар да кертелгән иде, болардан хәтта юаш балалар да тыелып кала алмадылар.
Бәйрәм ахырында балалар һәм аларның әти-әниләре бергәләшеп сабын куыгыннан шоу оештырдылар.
Нет комментариев