18 январь көнне Чаллы Башы авылының “Мәчет” төркемендә Фәнил хәзрәт Насретдинов СВОда катнашучы егетләргә ярдәм итү йөзеннән игълан биргән иде. Бик күп кеше бу чакыруга ихластан кушылды.
Тиз арада барлыгы 53 200 сум акча җыелган. Шул акчага Акъяр авылы кешеләре дә җыйган 15000 сум белән кушылып, газ балоны, изоленталар алынган, калган акчаны волонтёр Насыйбуллин Илгизәргә тапшырганнар.
“Бу эштә иң кыйммәте - битараф калмау, үз өлешеңне кертү. Рәҗәб аенда эшләгән изгелекләрегезгә әҗер-савапны мең тапкыр арттырып кайтарырмын, диде Аллаһ. Изгелекләрегез узегезгә меңе белән әйләнеп кайтсын”, - ди Фәнил хәзрәт, авылдашларына мөрәҗәгать итеп Чаллы Башы мәчетенең социаль төркемендә.
Нет комментариев