Черемухово Бистәсендә СВО зонасында һәлак булган сугышчы белән хушлаштылар

Район башлыгы Вячеслав Козлов Алексейның әти-әнисенең,  туганнары һәм якыннарының тирән кайгыларын уртаклашты.

- Бу безнең барыбыз өчен дә бик авыр югалту. Хәрби операциядә катнашып, Алексей Михайлович үзенең хәрби бурычын батырларча үтәде һәм Ватан өчен үз гомерен бирде. Аның исеме хәрбинең туган авылында мәңгеләштереләчәк, безнең барыбыз өчен дә ул мәңгегә герой булып калачак.

Татарстан Республикасы Министрлар Кабинетының Баш ветеринария идарәсе начальнигы урынбасары Габделхак Мотыйгуллин, «Алексеевскдорстрой» ААҖ генераль директоры Марат Саттаровлар да кайгы уртаклашу сүзләрен җиткерделәр.

Мобилизациягә кадәр Алексей Лапшин юл эшчесе булып эшләгән, ярдәмчел һәм намуслы хезмәткәр булган.

Хәрби хезмәттәге батырлыгы өчен «За воинскую доблесть», «За участие в СВО» һәм «За вклад в укрепление обороны РФ» медальләре белән бүләкләнгән

Алексей Лапшинны соңгы юлга хәрбиләрчә хөрмәтләп озаттылар. Якташыбызның якты истәлеге безнең күңелләрдә озак сакланыр!