Россия ЭЭМның Яңа Чишмә районы буенча ЮХИДИ бүлеге инспекторлары яңа ел алды рейдлары үткәрәчәк.
«Автомобиль йөртүчеләргә рейд вакытында безнең нәрсәләргә игътибар итәчәгебезне белү кирәктер, - диде ЮХИДИ бүлеге начальнигы, полиция капитаны Евгений Михайлов. – Болар: автомобильнең техник төзеклеге/төзек булмавы; түләнмәгән штрафлар булу; әйләнештә тыелган әйберләр ташу; документлар булу; пассажирларны (бигрәк тә балалар) юл йөрү кагыйдәләре буенча ташу; аптечка, авария билгесе һәм сертификат белән эшләүче ут сүндергеч булу».
Машина йөртүче белән аралашканда, шоферның сәламәтлеге дә ачыкланачак, шикле булганнарын алкоголь яки наркотик исереклеге булу-булмауга тикшерәчәкләр.
Нет комментариев