«Чишмәле» яшьләр үзәгендә «Суперәни-2024» конкурсы узган

Әниләр үзләренең төпле фикерләре һәм талантлары белән барысын да гаҗәпләндергәннәр, ә аларның балалары конкурсларда булышканнар. Катнашучылар интеллектуаль уеннарда да, хәрәкәтчән ярышларда да көч сынашып, үзләренең осталыкларын һәм креативлыкларын күрсәткәннәр.

Чара ахырында барлык катнашучыларга төрле номинацияләрдә бүләкләр һәм грамоталар тапшырылган, ә һәр гаилә профессиональ фотограф ярдәмендә бушлай фотога төшкән.
Бәйрәм белән, кадерле әниләр! Игелекле йөрәгегез, кайгыртучанлыгыгыз һәм күңел җылыгыз өчен рәхмәт!