Иң яхшы хат ташучыларга - «Яңа Чишмә хәбәрләре» газетасыннан бүләкләр

Яңа Чишмә районының почта хезмәткәрләре белән үткәрелгән киңәшмәдә «Яңа Чишмә хәбәрләре» газетасының баш мөхәррире Азат Мусин язылу кампаниясе нәтиҗәләре белән таныштырды һәм иң яхшы хат ташучыларга истәлекле бүләкләр тапшырды.

Черемухово Бистәсе почта бүлекчәсенең хат ташучысы Татьяна Наумова, Шахмай почта бүлекчәсенең хат ташучысы Гөлзидә Шәрипҗанова һәм Волчья Бистәсенең почта бүлекчәсе начальнигы Нина Темникова иң яхшы хезмәткәрләр дип танылды.

Киңәшмәдә Чистай почтамты начальнигы Вячеслав Воробьев катнашты.