Яңа Чишмә гимназиясендә «Дуслык һәм татулык дәресе» үткән

Чараны оештыручылар - гимназия педагоглары укучыларны рус, татар, үзбәк, таҗик, чуаш, төрек, башкорт, казак, әрмән, әзербайҗан халыкларының милли киемнәре белән таныштырганнар; милли орнаментлар белән яулыклар, баш киемнәре күрсәткәннәр.

 Укучыларга «Татарстан Республикасы халыклары тыныч һәм үзара килешеп яши» дигән темага белешмәлекләр таратылган. Укучыларга тынычлык, дуслык, төрле милләт вәкилләре арасында гармонияле мөнәсәбәтләр мөһимлеге турында сөйләгәннәр.

Укучылар бик күп кызыклы һәм файдалы нәрсәләр белгәннәр, аларның кәефләре күтәрелгән, «Барлык кешеләргә хөрмәт һәм кайгыртучанлык күрсәтә, алар белән тату яши белгәндә генә, уңышлы һәм бәхетле кеше булып була», дигән нәтиҗә ясаганнар.