Яңа Чишмә районы мәктәпләрендә куркынычсызлык дәресләре уза

Дәресләрне Дәүләт техника күзәтчелегенең Яңа Чишмә районы буенча бүлек башлыгы Рәис Хисмәтуллин үткәрә.

2025 елның 20 гыйнваренда Яңа Чишмә районы буенча Дәүләт техника күзәтчелеге бүлеге Яңа Чишмә урта мәктәбендә «Куркынычсызлык дәресе» үткәрде.      

 Дәрестә 9-11 сыйныф укучылары катнашты.   Дәрес барышында укучылар кар чаналарының конструктив үзенчәлекләре, теркәү һәм техник тикшерүне узу кагыйдәләре белән танышты. АІ категорияле тракторчы - машинист таныклыгын алу тәртибе, үзйөрешле машиналар - кар чаналарын дөрес эксплуатацияләү буенча таләпләр һәм хокук бозучыларга күзәтчелек органнары тарафыннан нинди административ җаваплылык чаралары кулланылырга мөмкин булуы җиткерелде. Транспорт чаралары белән идарә итүгә рөхсәт булмаган, дәүләт техника күзәтчелеге органнарында тиешенчә теркәмәгән килеш мототранспорт чаралары белән идарә итүчеләр   катнашындагы республикада булган фаҗигале очракларга да анализ ясалды.